ll भजन ll - काय ठावे मर्म कुठले

काय ठावे मर्म कुठले

बालपणी न काही कळले

तरुणपणी कळूनी न वळले

वृद्धपणी अवयव थकले

काय ठावे मर्म कुठले             ll १  ll

वय झाले वर साठ

आयुष्य जाणवे रिक्त माठ

काही न गवसले ठेवूनी आस

भेटेल का कोणी गुरु खास                       ll २  ll

बोल सांगतो ध्यानी घ्यावा

हर एक समयी कर्म साधावा

वेळ मिळेल म्हणुनी वाट न पाहावा

नित्यनेमी गुरु आठवावा             ll ३  ll

वेळ दवडीला बहु काळी

रिक्त जाहली अवघी झोळी

वेळ वाटते आली जवळी

भेटेल गुरु देईल नवी झळाळी                    ll ४  ll

समर्थ कृपाभीलाषी,

  

© सचिन पुरुषोत्तम कुलकर्णी

sachin.kulkarni78@gmail.com