ll भजन ll - औदुंबराच्या वृक्षातळी स्वामी माझा गुरुराय तो

ll भजन ll

औदुंबराच्या वृक्षातळी स्वामी माझा गुरुराय तो

सज्जनांसी रक्षितो दुर्जनांसी दंडितो

तयापुढे यावया काळही न धजावतो

सदा भक्तांसी तारितो भक्तवत्सल माय तो

औदुंबराच्या वृक्षातळी स्वामी माझा गुरुराय तो ll १ ll

असेन मी इथे जरी, नसेन मी इथे जरी

सतत वर्षते कृपा तयाची ती माझ्यावरी

व्यापुनी ब्रह्मांड साऱ्या असे माझा सांगाती

औदुंबराच्या वृक्षातळी स्वामी माझी माय ती ll २ ll

भक्त कोणी मार्ग चुकता न रागवे तयावरी

पैलतीरा पार करण्या धाडी योग्य मार्गावरी

म्हणोनी निष्ठा सदा असू द्या त्या सावळ्या मूर्तीवरी

औदुंबराच्या वृक्षातळी वसे माझी पंढरी ll 3 ll

स्वामींपुढे दु:ख जैसे अग्निपुढे कपाशी

काय सांगू थोरवी माझा गुरु जो पुण्यराशी

संकट भक्तावरी येता धावून येई तो दयाघन

औदुंबराच्या वृक्षातळी समर्थ माझा गजानन ll ४ ll

समर्थ कृपाभीलाषी,

सार्थबोध