ll भजन ll - गुरु माउली, पाही माम, पाही माम, पाही माम

 ll भजन  ll

गुरु माउली, पाही माम, पाही माम, पाही माम

पाही माम, पाही माम, पाही माम ,

गुरु माऊली, त्राही माम, त्राही माम, त्राही माम

काळ आपल्या निश्चयी ठाम

काहीच घडेना अमुचे काम                 ll १ ll 

एक एक संपविता दैन्य

झडपे नवे जसे घेउनी सैन्य

उरलो एकटा नुरली शक्ती

टीकुनी आहे तरी मम भक्ती               ll २ ll  

आता साहवेना प्रखर हा भोग

भोग म्हणू कि घोर कलीयोग

तुझ्या कृपेचा येईल योग

तेवीच सुटे हा पापाचा रोग                ll ३ ll 

धाव धाव हे प्रभो आता

प्राण कंठाशी आला आता

नको जाऊ देवू माझा जन्म वृथा    

तुझ्या चरणी ठेवितो माथा                ll ४ ll 

शरीरी प्राण आहे जोवरी

श्रद्धा नाही ढळणार तोवरी

परी अंत नको पाहू श्रीहरी

धाव आता ये झडकरी                   ll ५ ll

समर्थ कृपाभिलाषी,

© सचिन पुरुषोत्तम कुलकर्णी

sachin.kulkarni78@gmail.com