कविता:- कोण विचारतो विलायतेला.......

कोण विचारतो विलायतेला.......

हाय हॅलो काय म्हणतो; मजा नाही हाक मारण्याला

“काय भाव काय म्हणतो”; यात प्रेम आहे ऐकणाऱ्याला

अजूनही पोरे खेळ खेळतात; सुट्टीला आणि सांच्याला

विटीदांडू, पतंग, गोट्या, टायर; मजा रे कसली त्या पूल अन् स्क्वाशला

आई-बा आमचे आम्हाला प्रिय; उगाच नाही जात "थँक यू" म्हणायला

रोज त्यांची पूजा करतो; कोण विचारतो " पॅरेंट्स डे" ला

मित्र भावा आमचे; लई भारी, काही नाही लागत मैत्री टिकवायला

न सांगता समजते मन एकमेकांचे; कोण विचारतो "फ्रेन्डशिप डे "ला

कुणाला फसवायचे नाय, फुकटचे खायचे नाय, असेच वागतो हर दिवसाला

रक्तातच आमच्या संस्कृती असली, कोण विचारतो "कल्चरल डे" ला

जोडीदार आमचा आई-बा बघतील, नाहीतर आम्ही बी बघू वेळेला

मैत्रीत शक्यता तपासतच नाही; तर कोण विचारतो "व्हॅलेंटाइन डे" ला

कडक उन्हाळा; झकास हिवाळा, पावसाळा एक नंबर भिजायला

स्नोफॉल मुळे, जर बाहेरच पडता येत नसेल; तर कोण विचारतो ऑनसाईटला

बर्गर-पिझ्झा; हॉटडॉग; पास्ता किंवा किवी, बेरी असतील बरे चवीला

भेळ, मिसळ,भजी- वडा, डोसा-इडली, आंबा, कैरी, नाद नाही यांच्या चवीला

फेसबुक; ऑरकूट; इमेल; ट्विटर, मजा कसली त्या भेटण्याला

फोन टाकता दोस्त चौकात येतो, नाद नाही आमच्या मैत्रीला

पन्नास डॅम; हजार कॅनॉल; शेकडो टॉवर असतील विलायतेला

राजगड; रायगड; प्रतापगड, शिवनेरी, तोड नाही त्यांच्या रचनेला

मुबलक पाणी, भरपूर वीज ,चकाचक रस्ते आणि सुविधा असतील ढीग परदेशाला

अहो इथेच जन्मलो; इथेच माती होणार आमची, कोण विचारतो विलायतेला

सार्थबोध